La 9avla exposiziun grischuna da professiuns Fiutscher ha lieu dals 11 fin ils 15 da november 2026.
L'exposiziun grischuna da professiuns Fiutscher è la fiera d'eveniments dal mund professiunal grischun. En l'exposiziun preschentan 90 exposituras ed expositurs en total 185 professiuns cun emprendissadi e 184 furmaziuns supplementaras ch'ins po far en il Grischun.
Uras d'avertura
mesemna - venderdi: 08.00 - 17.00
sonda: 09.00 - 18.00
dumengia: 09.00 - 16.00
Davart l'exposiziun da professiuns Fiutscher
L'exposiziun vegn organisada mintga dus onns ed ha lieu dals 11 fin ils 15 da november 2026 per la novavla giada a Cuira. Var 90 exposituras ed expositurs preschentan sin ina surfatscha da passa 5000 m2 185 professiuns da la furmaziun fundamentala e 184 purschidas da perfecziunament. L'exposiziun da professiuns è il lieu ideal per scuvrir en la pratica la diversitad dal mund professiunal grischun. La Fiutscher sa drizza a giuvenils ed a persunas creschidas. Durant l'emna visitan bunamain tut las scolaras e tut ils scolars dals stgalims superiurs dal Grischun l'exposiziun. La fin d'emna pon giuvenils, persunas creschidas e famiglias far ina visita a l'exposiziun e sa laschar inspirar da las pussaivladads da la furmaziun fundamentala e supplementara.
