Las scolaras ed ils scolars pon visitar l'exposiziun da professiuns Fiutscher cun lur classa da scola u en accumpagnament da lur geniturs e confamigliars. Igl è era pussaivel da visitar l'exposiziun da professiuns individualmain u cun collegas.
Per sa preparar per la visita da l'exposiziun grischuna da professiuns Fiutscher èsi recumandabel da far il check d'interess. A basa da quel survegn ins ina glista da professiuns che paran interessantas e ch'ins po silsuenter visitar ed emprender d'enconuscher a l'exposiziun da professiuns.
