Fiutscher – l'exposiziun grischuna da professiuns per creschids
L'exposiziun da professiuns Fiutscher na porscha betg mo als giuvenils la pussaivladad d'emprender d'enconuscher il mund da las professiuns, mabain è er in'occasiun excellenta per ils creschids da scuvrir la vasta purschida da professiuns en il Grischun. L'entrada è gratuita per tuttas e tuts.
Tuttina, sche Vus vulais As orientar da nov professiunalmain, ponderais da far in segund emprendissadi u vulais As infurmar davart las pussaivladads da perfecziunament – l'exposiziun Fiutscher è il lieu ideal per survegnir invistas praticas en numerusas branschas e vias da furmaziun.
Di dal perfecziunament – inspiraziun per Voss futur professiunal
La sonda stat il perfecziunament en il focus da l'occurrenza. Ils creschids che vulan augmentar lur perspectivas professiunalas survegnan qua infurmaziuns cumplessivas davart curs, furmaziuns da recuperaziun, certificats professiunals e purschidas da rescolaziun.
Numerus purschiders preschentan lur programs e persunas spezialisadas cusseglian individualmain en dumondas da carriera.
Infurmaziuns d'emprim maun – d'associaziuns professiunalas e d'instituziuns da furmaziun
A l'exposiziun preschentan las associaziuns professiunalas, las instituziuns da furmaziun ed ils uffizis spezialisads lur professiuns, purschidas d'emprendissadi e programs da perfecziunament. Vus survegnis infurmaziuns fundadas davart ils cuntegns d'instrucziun, las premissas, las pussaivladads da carriera e las soluziuns d'access a basa d'equivalenzas.
Las visitadras ed ils visitaders pon far dumondas, manar discurs ed uschia survegnir in maletg cumplessiv dals emprendissadis, dals segunds emprendissadis e dals perfecziunaments en il Grischun.
Di dal perfecziunament – inspiraziun per Voss futur professiunal
La sonda è il di dal perfecziunament. Ils creschids che vulan augmentar lur perspectivas professiunalas survegnan qua infurmaziuns davart curs, certificats professiunals, purschidas da rescolaziun ed access a basa d'equivalenzas.
Persunas spezialisadas da las instituziuns da furmaziun e da las associaziuns professiunalas stattan a disposiziun per discurs da cussegliaziun persunals.
Reorientaziun professiunala – in access simpel
L'exposiziun Fiutscher sa drizza er a creschids che vulan sa reorientar professiunalmain, saja quai suenter ina pausa da famiglia, suenter ina midada da la branscha u per far ina midada professiunala.
Qua pudais Vus As infurmar davart emprendissadis per creschids, furmaziuns scursanidas, access a basa d'equivalenzas e pussaivladads da perfecziunament. Las infurmaziuns vegnan directamain da las associaziuns professiunalas e d'expertas e d'experts da la furmaziun, uschia che Vus survegnis in'orientaziun fidada.
