Als expositurs descha in grond laud

Davent dils 14 fin ils 18 da november han varga 13'000 persunas visità la halla da la citad da Cuira. Nundumbraivels resuns mussan ch'il nivel da l'exposiziun da professiuns è puspè s'augmentads. Quai grazia al grond engaschament dals expositurs!
L'uniun grischuna d'artisanadi e mastergn, sco organisatura dal FIUTSCHER, engrazia a tut quels che han contribuì al grond success. Manegià èn las bleras visitadras e visitaders da l'entir chantun, sco er ils varga 80 expositurs che han mussà in immens engaschi per lur preschentaziuns.
Cun la tschintgavla realisaziun dal FIUTSCHER èsi gartegià da garantir a la furmaziun duala e sias nundumbraivlas pussaivladads da francar il plaz e la muntada che descha ad ella en la cuntrada da furmaziun dal chantun Grischun. Sulettamain tras il sustegn da la Confederaziun, dil chantun Grischun e dals sponsurs è ina tal'exposiziun pussaivla. A tuts in grond engraziament!

Novitads

Guids per persunas da lingua estra al FIUTSCHER

12.09.2018 15:25

Er quest onn mainan guids danovamain persunas da lingua estra tras l'exposiziun FIUTSCHER.

Per tgi?

  • Geniturs da lingua estra e lur uffants
  • Creschids

Data per FIUTSCHER 2018 é fixada

24.04.2017 09:08

La 5. realisaziun dal FIUTSCHER, l'exposiziun professiunala grischuna per furmaziuns fundamentalas e supplementaras, ha lieu da la mesemna, ils 14 da november, fin la dumengia, ils 18 da november 2018!

Il trenament per l'exposiziun ha cumenzà

27.10.2016 10:37

Tge vestgadira tir jau en al FIUTSCHER? Co duai jau prender si contact cun las scolaras ed ils scolars, u cun ils creschids che vegnan al stan? Co poss jau infurmar sin ina moda natirala sur da mia professiun? Talas dumondas èn vegnidas discutadas e trenadas oz en l'emprim trenament da l'exposiziun. Ils giuvenils e lur persuna responsabla pon anc s'annunziar per in ulteriur trenament per pudair sa pinar bain per lur engaschi al FIUTSCHER: http://www.fiutscher.ch/messetraining/

Ulteriuras impressiuns dals trenaments per l'exposiziun chattais Vus qua.

Vegni cun nus sin la tura dal FIUTSCHER

20.10.2016 15:27

Ina speziala attracziun, numnadamain la tura dal FIUTSCHER, pudais Vus giudair il venderdi saira. Ils differents stans mettan a disposiziun mintgamai ina persunalitad enconuschenta sco guid. Quella persuna maina las gruppas pitschnas tras l'exposiziun (partenza mintgamai a las 17.00, 18.00 e 19.00 uras dal stan elegì). A la fin da la tura datti in pitschen snack en la tenda d'events. Vus pudais s'annunziar 10 minutas avant la partenza al stan giavischà (durada circa 45 minutas; l'exposiziun po vegnir visitada individualmain avant u suenter la tura fin las 20.00 uras. Era l'Uniun grischuna d'artisanadi e mastergn envida cordialmain giasts ord la politica, economia e turissem a questa tura (mira program). Annunzias sut: www.fiutscher.ch/fiutschertour/

Flyer da l'exposiziun

03.10.2016 16:03

Exclusivamain ed anc avant ch'ils exemplars èn stampads, As preschentain nus il flyer da l'exposiziun.
Sin 74 stans differents pudais Vus emprender d'enconuscher varga 140 emprendissadis, scolaziuns e furmaziuns supplementaras.